ថេប្លេត Kindle Oasis ជំនាន់ថ្មី ធំ ថោក និង ខ្លាំងជាងមុន

ឧបករណ៍ Kindle Oasis របស់​ Amazon បាន​ត្រលប់មក​ជាថ្មី​នូវ​ម៉ូ​ដែល​មាន​អេក្រង់​ទំហំ ៧ អ៊ីង និង បន្ថែម​លក្ខណៈសម្បត្តិ​ផ្សេងៗ​ពិសេស​ជាង​មុន ។ ​ក្រុមហ៊ុន​បាន​បន្ថែម​កម្រិត​ដង់ស៊ីតេ​រហូតដល់​ទៅ ៣០០ ដង់​ស៊ី​តេ​ពណ៌ (PPI) និង បង្កើន​ចំនួន​អំពូល LED ពី ១០ ទៅ ១២ គ្រាប់ ធ្វើឱ្យ​អេក្រង់​ច្បាស់​ទោះ​អាន​ក្រោម​ពន្លឺ​ថ្ងៃ ។ វា​ក៏​បន្ថែម​មក​នូវ​សេន​ស័​រ​ពន្លឺ​អាច​កែតម្រូវ​ទៅ​បរិស្ថាន​សម្រួល​ក្នុង​ការអាន ។​

​សមាជិក​ថ្មី​នេះ​ត្រកូល Kindle មួយ​នេះ​បំពាក់​នូវ​កម្រិត​ការពារ​ជ​ជ្រាប​ទឹក IPX8 មានន័យថា វា​អាច​ត្រាំ​ទឹកបាន​រហូតដល់​ទៅ ៦០ នាទី ក្នុង​ជម្រៅ​ទឹក ២ ម៉ែត្រ​សម្រាប់​ទឹកសាប និង អាច​ធន់​រង​នឹង​ការ​សាច​នៃ​ទឹកសមុទ្រ​ផងដែរ ។ ដូច្នេះ​វា​ស័ក្តិសម​បំផុត​សម្រាប់​អ្នក​ដែល​ចូលចិត្ត​អាន​សៀវភៅ​នៅតាម​មាត់សមុទ្រ ។​

​សម្រាប់​ម៉ូ​ឌែ​ល​ថ្មី​នេះ​មាន​ទំហំ​ផ្ទុក​ឯកសារ​ចាប់ពី 8 GB រហូតដល់ 32 GB ។ វា​បាន​បន្ថែមប្ល៊ូ​ធូ​ស រន្ធ​បំពង​សម្លេង ប៉ុន្តែ​គ្មាន​រន្ធ​ដោត​កាស​នោះទេ តែ​អ្នកប្រើប្រាស់​អាចធ្វើ​ដំណ​ភ្ជាប់​ជាមួយ​ប្ល៊ូ​ធូ​សបាន ។ ​ម៉ូ​ដែ​ល​ថ្មី​នេះ​ស្រោប​ដោយ​សារធាតុ​អាលុយមីញ៉ូម មាន​ទម្ងន់​ត្រឹមតែ ១៩៤ ក្រាម​តែប៉ុណ្ណោះ ។ ចំពោះ​ថាមពល​ថ្ម​វិញ គឺអាច​ប្រើ​បាន​រហូតដល់​ទៅ ៦​សប្តាហ៍​ឯណោះ​ក្រោយពេល​សាក​ពេញ​ម្តងៗ ។

​ក្រុមហ៊ុន​ក៏បាន​ផលិត​គម្រប​មកជា​មួយ​ផងដែរ តែ​ត្រូវ​ទិញ​បន្ថែម​ក្នុងតម្លៃ​ចាប់ពី ៤៥ សម្រាប់​ស្រោម​ក្រណាត់ និង ៦០ ដុល្លារ​សម្រាប់​ស្រោម​ស្បែក ។ សម្រាប់​ម៉ូ​ដែល​ទំហំ 8 GB នឹង​លក់​ក្នុងតម្លៃ ២៨០ ដុល្លារ ចំណែក ទំហំ 32 GB នឹង​លក់​ក្នុងតម្លៃ ៣៥០ ដុល្លារ ដែល​នឹង​ចេញលក់​នៅ​ដើមខែ​វិច្ឆិកា ខាងមុខនេះ ៕ សុផល (​ប្រភព​៖ Amazon)

ចូលចិត្តអត្ថបទថ្មីៗទូទៅសូមចុច