ជោគជតារាសីប្រចាំឆ្នាំរកា សម្រាប់លោកអ្នកកើតក្នុង «ឆ្នាំច»

​ឆ្នាំច ១២ ឆ្នាំ​វិល​មកដល់​ម្តង ដូច្នេះ​យើង​សូម​រៀបរាប់​ថយក្រោយ​ត្រឹមតែ ៦ ជុំ​ប៉ុណ្ណោះ ។ សូម​ផ្ទៀងផ្ទាត់​ដូចខាងក្រោម ៖

​អ្នក​កើត​ឆ្នាំច ២០០៦ : ក្នុងឆ្នាំនេះ​មានចិត្ត​គំនិត​រាយមាយ​ក្នុងការ​រៀនសូត្រ ។ ដូច្នេះ​ត្រូវ​ប្រឹងប្រែង​ឡើង​ពុំ នោះទេ​អាច​ទទួលបាន​លទ្ធផល​អាក្រក់​ជាក់​ជាមិនខាន ។ ក្រៅពីនោះ​ត្រូវ​ចេះ​គោរព​ច្បាប់​វិន័យ​សាលា​ឲ្យ​បានល្អ​ខ្ជាប់ខ្ជួន ។​

អ្នក​កើត​ឆ្នាំច ១៩៩៤ : ក្នុងឆ្នាំនេះ​ពិតមែនតែ​មមាញឹក​ក្នុង​កិច្ចការងារ តែ​មិន​អត់​ប្រយោជន៍​ឡើយ ព្រោះ​ធ្វើ ច្រើន​ទទួលបាន​ផល​ច្រើន ។ ក្រៅពីនោះ​ត្រូវ​យកចិត្តទុកដាក់​ចំពោះ​សុវត្ថិភាព​នៃ​ការធ្វើ​ចរាចរ ។​

​អ្នក​កើត​ឆ្នាំច ១៩៨២ : ក្នុងឆ្នាំនេះ​ពិតមែន​តែមាន​ផល​ចំណូល​ហូរ​ចូល​ច្រើនក្តី តែ​តោង​ប្រយ័ត្នប្រយែង​ក្រែង​ជួប​គ្រោះ​ចាញ់បោក​គេ​នាំ​ឲ្យ​អន្តរាយ​ទ្រព្យ ។ ក្រៅពីនោះ​មុននឹង​ហាមាត់​និយាយស្តី​អ្វី​តោង​ចេះ​ត្រិះរិះ​ពិចារណា​ឲ្យ​បាន​ល្អិតល្អន់ ទើប​ពុំ​មានរឿង​ជម្លោះ​វិវាទ​កើតឡើង ។​

​អ្នក​កើត​ឆ្នាំច ១៩៧០ : ក្នុងឆ្នាំនេះ​ពិតមែនតែ​ការងារ និង ការរកស៊ី​ជួញដូរ​ទទួលបាន​លទ្ធ​ផល​ល្អ​ជាទី​គាប់ចិត្ត​ក្តី តែ​ចូរ​កុំ​ទម្លាយ​អាថ៌កំបាំង​នៃ​ល្បិច​រកស៊ី​ឲ្យ​គេ​ដឹង​ឲ្យ​សោះ ទើប​មិន​ប៉ះពាល់​ដល់​ផល​ចំណូល ៕​

ចូលចិត្តអត្ថបទថ្មីៗទូទៅសូមចុច