គន្លឹះ ១៣ យ៉ាង ដើម្បីរក្សាចំណងស្នេហ៍ឱ្យកាន់តែស្អិតល្មួត

១ – ធ្វើ​រឿង​ដែល​អ្នក​ទាំងពីរ​ជួបគ្នា​ជា​លើកដំបូង​បន្តទៀត

Image may contain: one or more people, people standing, cloud, sky, outdoor and nature

​ទោះជា​ស្គាល់គ្នា​យូរ​ក្រែល​ហើយ​ក្តី គូស្នេហ៍​គួរ​កុំឱ្យ​ភាព​ខ្ជិលច្រអូស ហើយ​មើលរំលង​រឿង​ផ្អែម​ល្អែ​ម​ជាមួយគ្នា​ឱ្យសោះ​ ។ គិត​សាជាថ្មី ហើយ​ចាប់​ផ្តើមធ្វើ​រឿង​ដដែល​នៅពេល​អ្នក​បាន​ជួបគ្នា​ដំបូង​ឡើងវិញ ជារឿយៗ​ ។​

២ – សុំ​នូវ​អ្វីដែល​អ្នក​ចង់បាន​

Image may contain: 1 person, flower, outdoor and nature

​រយៈពេល​យូរ​ទៅ គូស្នេហ៍​ហាក់​នឹង​គិតថា​ភាគី​ម្ខាង​ទៀត​ប្រហែលជា​ដឹងថា​ខ្លួន​ចង់បាន​អ្វី​ហើយ ដែល​ការពិត​ទៅនោះ គាត់ ឬ នាង​អាច​នឹង​មិនដឹង​ទេ ។ ហេតុនេះហើយ​ជាជាង​អង្គុយ​រង់ចាំ​រំពឹងទុក​តែ​ម្ខាង អ្នក​គួរ​ប្រាប់​គូស្នេហ៍​ត្រង់ៗ​តែ​ម្តងថា​ចង់បាន​អ្វី​ពី​គាត់ ឬ នាង មិន​ថា​ចំពោះតែ​រឿង​កិច្ចការ​ការនិយាយស្តី​ផ្លូវចិត្ត ឬ ទាំង​រឿង​លើ​គ្រែ​ផង ។​

៣ – ធ្វើជា​អ្នកជំនាញ​លើ​គូស្នេហ៍​

Image may contain: 2 people, people smiling, nature, water and outdoor

ជំនាញ​រឿង​អ្វី ? គឺ​ជំនាញ​ខាង​យល់ចិត្ត ។ ការ​នេះ​ទាមទារ​ការយកចិត្តទុកដាក់​សង្កេត​ពី​គូស្នេហ៍​ឱ្យបាន​ច្រើន ទើប​អាច​យល់បាន​ថា គាត់ ឬ នាង​ត្រូវការ​អ្វី ទាំង​តម្រូវការ​ផ្លូវកាយ និង ផ្លូវចិត្ត ។ សូមកុំ​កាត់​ស្មាន​ប្រយោល ដោយ​មិនបាន​សង្កេត​ឱ្យបាន​ដឹក​ដល់​ឱ្យសោះ ណាមួយ​នេះ​ជា​កាតព្វកិច្ច​ដែល​ស្តែង​ពី​ការស្រឡាញ់​របស់​ភាគី​ទាំងសងខាង ។​

៤ – កុំ​សួរថា «​តើ​ថ្ងៃនេះ​យ៉ាងម៉េច​ដែរ​» ?

Image may contain: one or more people, sky and night

​សំណួរ​នេះ​ហាក់ដូចជា​សាមញ្ញ​ពេក រហូត​ចម្លើយ​ក៏​នឹង​សាមញ្ញ​ទៅតាម​នោះដែរ គឺ​គ្រាន់តែ «​យ៉ាងម៉េច​ដែរ​ថ្ងៃនេះ​» ? «​ធម្មតា ចុះ​អូន ឬ បង​វិញ​» ? «​ធម្មតា​ដូចគ្នា​» បទ​សន្ទនា​ក៏​បញ្ចប់ ។ គួរ​ផ្លាស់ប្តូរ​សំណួរ​ឱ្យមាន​រសជាតិ​ជាង​នេះ ដូចជា តើ​មានរឿង​ល្អ​អ្វី​ចង់​ប្រា​ប់អូន​ទេ​ថ្ងៃនេះ ? នោះ​អ្នកនឹង​ទទួលបាន​ចម្លើយ​គួរឱ្យ​ចាប់អារម្មណ៍​ហើយ​ស្រស់ស្រាយ​ជាង​នេះ ។​

៥ – បង្កើត​ការ​ណាត់ជួប​ជា​រៀងរាល់​សប្តាហ៍​

Image may contain: one or more people, sky, tree and outdoor

​ការ​នេះ​ដើម្បី​ពង្រឹង​មនោសញ្ចេតនា ក៏ដូចជា​ស្វែងយល់​ពីគ្នា​មួយកម្រិត​ទៀត ហើយ​ឆ្លៀតពេល​និយាយ​លេង និង​ សាកសួរ​ពី​តម្រូវការ​រវាង​គ្នា និង ​ចំពោះ​គ្នា​ទៅវិញទៅមក ដើម្បី​បង្ក​ឱកាស​ឱ្យ​មនោសញ្ចេតនា​របស់​អ្នក​ទាំងពីរ​រីកដុះដាល​មួយកម្រិត​ទៀត ។​

៦ – រក្សា​ភាព​សិច​ស៊ី​

Image may contain: 1 person, standing, sky, outdoor and nature

​រៀបចំ​បរិយាកាស​បន្ទ​ប់​គេង​ឱ្យ​ស្រស់ស្រាយ និង ​ស្រទន់ រួម​កម្លាំង​គ្នា​ធ្វើ​កិច្ចការ​ផ្ទះ​ជាមួយគ្នា ងូតទឹក​ចំហ​ទ្វារ​បន្ទប់ ឬ​ជាមួយគ្នា ស្លៀកពាក់​បង្អួត​សម្រស់​គ្នា ដើម្បី​សាង​បរិយាកាស​រីករាយ សើច​លេង​ចំអែចំអន​គ្នា ហាក់ដូច​ទើប​ស្គាល់គ្នា​ថ្មីៗ ។​

៧ – ណាត់ជួប​គ្នា​ធ្វើ​រឿង​ថ្មីៗ

Image may contain: one or more people, people sitting, people standing, mountain, outdoor and nature

​ជាជាង​ការ​ញ៉ាំ​អាហារ​ពេល​ល្ងាច និង ​មើល​កុន អ្នក​អាច​ប្តូរ​បរិយាកាស​ទៅ​ពិ​កនិក ដើរ​កម្សាន្ត​ទៅ​បរទេស ចូលរួម​ការងារ​សប្បុ​រស​ ឬ ​ការងារ​ស្ម័គ្រចិត្ត បោះជំរុំ ឬ ​ស្ម​គ្រ​ខ្លួន​មើលថែទាំ​កូន​មិត្តភក្តិ​ ឬ ​បងប្អូន​ជាមួយគ្នា ។​

៨ – ពិភាក្សាគ្នា​ពី​បញ្ហា​សិច​

Image may contain: 1 person

​ដៃគូ​អាច​នឹងមាន​ភាពមិន​ចុះសម្រុង​គ្នា​ដោយ​ប្រការ​ណាមួយ ដូចនេះ ចៀសវាង​ការ​ប្រកែក​គ្មាន​ហេតុផល ទ្រាំ​មិន​ប្រាប់​ពីអ្វី​ដែល​ខ្លួន​ចង់បាន ឬ​សម្រប​តាមចិត្ត​ដៃគូ​ទាំង​ខ្លួន​មិន​ចង់​។ គូស្នេហ៍​គួរ​ចេះ​និយាយប្រាប់​ពី​សុខទុក្ខ​គ្នា​ទៅវិញទៅមក រួមទាំង​រឿង​លើ​គ្រែ​នេះ​ផង ហើយ​ចេះ​យល់ចិត្ត យល់​អារម្មណ៍ និង​សុខភាព​គ្នា​ទៅវិញទៅមក ដោយ​ពុំ​ខ្មាស់អៀន ។​

៩ – ឆ្លៀតពេល​លំហែចិត្ត​ជាមួយគ្នា​ក្រោយពេល​ធ្វើការ​​

Image may contain: one or more people, people standing, sky, cloud, twilight and outdoor

មានន័យថា ទោះជា​ការងារ​មមាញឹក​យ៉ាងណា គូស្នេហ៍​គួរ​មាន​ទម្លាប់​និយាយ​សន្ទនា​គ្នា​ជា​រៀងរាល់ថ្ងៃ ដោយ​ភាគី​ទាំងសងខាង​ត្រូវគោរព យកចិត្តទុកដាក់ និង​ ស្តាប់​នូវ​អ្វីដែល​អ្នក​ម្ខាង​ទៀត​និយាយ មិនមែន​គ្រាន់តែ​បញ្ចេញ​ឥរិយាបថ​ហាក់ដូចជា​លឺ​ហើយ ហើយ​បែរ​ធ្វើ​ហី​ ។ ការមើលរំលង​ចំណុច​នេះ​យូរៗ​ទៅ​អាច​នឹង​ឈានទៅដល់​ស្នេហ៍​ប្រេះឆា និង​បែក​គ្នា​ដោយ​គ្មាន​មូលហេតុ ។​

១០ – ទុកឱ្យ​ពេលវេលា​ជា​អ្នកដោះស្រាយ​

Image may contain: one or more people, people standing, outdoor and nature

​តិច ​ឬ ​ច្រើន គូស្នេហ៍​ប្រាកដ​ជាមាន​ពេល​ឈ្លោះប្រកែក​គ្នា​យកឈ្នះ​រៀងខ្លួន ​។ បើ​អ្នកមាន​បញ្ហា​បែបនេះ គួរ​រក្សា​គម្លាត ទុកពេល​ឱ្យ​គ្នា​ទៅវិញទៅមក គិត​ឱ្យបាន​ច្បាស់ និង ​ត្រឡប់មក​និយាយ​គ្នា​វិញ​នៅពេល​ត្រជាក់ចិត្ត​ហើយ និង ​មិនត្រូវ​ទុក​បញ្ហា​ចោល​មិន​ដោះស្រាយ​នោះទេ ពោលគឺ​ត្រូវមាន​ដំណោះស្រាយ​ល្អ​ទាំងសងខាង ឬ​ ការសម្រេចចិត្ត​ជាក់លាក់ ។​

១១ – និយាយ​ពី​អារម្មណ៍​ពិត​នៅពេល​ឈ្លោះ​គ្នា​

Image may contain: one or more people, people standing, sky, cloud, outdoor and nature

​កុំ​ប្រើ​អារម្មណ៍​ខឹងសម្បារ​មួយពេល គួបផ្សំ​នឹង​ពាក្យសម្តី​អាក្រក់ៗ នៅពេល​ឈ្លោះ​គ្នា ព្រោះ​អ្នក​អាច​នឹង​ធ្វើឱ្យ​ដៃគូ​យល់​ខុសពី​អ្វីដែល​អ្នក​ចង់បាន​ឱ្យ​ប្រាកដ​។ គូស្នេហ៍​គួរ​លើកយក​បញ្ហា​ជាក់លាក់​មក​និយាយ ហើយ​ប្រាប់​ពី​អារម្មណ៍​របស់ខ្លួន​ដែល​ខូចចិត្ត ឬ​ឈឺចាប់ ដោយ​កុំ​បន្ថែម​ទម្ងន់​ពាក្យ​ឱ្យ​លើសពី​ការពិត ទើប​អាច​ឈានទៅរក​ដំណោះស្រាយ​ល្អ ។​

១២ – ទាមទារ​ការយល់​ចិត្ត ជាជាង​ការ​សម្រប​

Image may contain: sky, night and tree

«​និយាយ​ស្រួល​តែ​ពិបាក​នឹងធ្វើ​» ហេតុនេះ នៅពេល​ឈ្លោះ​គ្នា​អ្វីដែល​អ្នក​គួរ​ធ្វើ​បំផុត គឺ​រម្ងាប់​ចិត្ត​ខឹង ហើយ​និយាយ​ដោយ​ត្រជាក់ បង្ហាញ​ពី​ចិត្ត​របស់​អ្នក​ឱ្យ​គូស្នេហ៍​បាន​យល់ ឬ​ពន្យល់ថា​ហេតុអ្វី​បានជា​អ្នក​ត្រូវ ជាជាង​ការ​ខំ​ផ្លាស់ប្តូរ​គំនិត​របស់​ភាគី​ម្ខាង​ទៀត ហើយ​បង្ខំ​ឱ្យគេ​សម្រប​តាម​ខ្លួន ។​

១៣ – រាប់​កំហុស​របស់​ខ្លួនឯង​

Image may contain: one or more people, sky, cloud, twilight, outdoor and nature

​តើ​អ្នក​និយាយ​ពាក្យ​សុំទោស​ញឹកញាប់​ទេ ? ទាំងនោះ​សុទ្ធតែជា​កំហុស​របស់​អ្នក​មែន​ទេ ? បើដូច្នោះ​មែន​អ្នក​គួរ​កែខ្លួន កុំ​សាង​កំហុស​ដដែលៗ សុំទោស​តែ​មិន​កែ ព្រោះ​ទង្វើ​បែបនេះ ជា​ថ្នាំបន្សាប​ពាក្យ​សុំទោស​របស់​អ្នក ហើយក៏​ជា​ថ្នាំពុល​សម្រាប់​ស្នេហា​របស់​អ្នក​ដែរ ព្រោះ​ជាក់ស្តែង​អ្នក​បន្ត​សាង​កំហុស ខណៈដែល​ភាគី​ម្ខាង​ទៀត​ជា​អ្នករ៉ាប់រង​ការឈឺចាប់ ៕  លក្ខិណា​

ចូលចិត្តអត្ថបទថ្មីៗទូទៅសូមចុច